من طرف سلامو عليكو
زوار منتدى محطة مصر
منورين المنتدى بوجودكوا معانا
بس طبعا المنتدى منور من غير اى حاجه يعنى
و علشان المنتدى يفضل منور علطول
أحنا قلنا نحط شوية قوانين علشان نبقى فى البيـــــــــس
بص ياباشا
1 - طبعا سيادتك لسه جديد و عاوز تسجل معانا
يبقى لو هتسجل تسجل باسم عربى مهو احنا مش فاضيين نفضل نطلع القاموس و ندور على معنى الاسم اللى انتا مسجل به
أه و الاسم العربى يكون مفهوم برضه
بص ريحنا و متسجلش خالص
2 - لو كنت رزل بأه و سجلت
مضطرين نقبلك معانا بس يكون فى علمك
احنا مش بنقبل نقض من حد
يعنى لو موضوع عجبك ترد عليه من سكات و لو موضوع معجبكاش متردش عليه خالص
و احسن حاجه متردش على اى مواضيع
3 - لو لك اى شكوى
احنا مش عاوزين نعرفها زى ماقلنا لك احنا مش بنحب النقض
4 - تكتب كل موضوع فى المنتدى بتاعه احنا مش فاضيين نفضل ننقل مواضيع ورا الاعضاء
بص متكتبش مواضيع خالص علشان متتوقفش
5 - ممنوع التعارف بين الاعضاء و ممنوع استخدام الشات ولا الرسايل الخاصه
6 - مش عاوزين نشوفك كتير على المنتدى علشان الضغط على السيرفر
سيب فرصه لغيرك يدخل المنتدى يا اخى
7 - ممنوع و انتا على المنتدى انك تشرب شاى او قهوه او اى مسليات خالص
بص باه متدخلش على المنتدى خالص احسنلك
8 - أى عضو هيخالف الشروط دى هيتعرض لو وقف العضويه دون انذاااااااار
أسيبك بأه تروح تسجل معانا
يالا محبتش اتقل عليه
ههههههههههههههههههههههه
طبعا كل ده كان هزار
و احنا بجد سعداء انك معانا على المنتدى و مش لنا اى قوانين غير انك تتذكر قول الله تعالى
بسم الله الرحمن الرحيم
" مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ "
صدق الله العظيم
و كمان عاوزينك تعرف ان أعضاء المنتدى هنا كلهم اسره واحده
و لازم نحافظ على الاسره دى
و عدم التدخل فى خصوصية الاعضاء بأى وسيله
فلكل انسان الحق فى التمتع بخصوصياته
و بكده احنا هنكون مرحبين بيك معانا فرد فى اسرة منتدى محطة مصر
و بجد منورين المنتدى
سلام ياحلوين
